पाल्पा, नेपाल – लुम्बिनी प्रदेशका माननीय स्वास्थ्यमन्त्री खेम बहादुर सारुले पाल्पा अस्पतालको भवन शिलान्यास गर्नुका साथै ११३ औं वार्षिकोत्सव समारोहको उद्घाटन गर्नुभएको छ। मन्त्री सारुले आकस्मिक सेवा र अपरेसन सेवा प्रदान गर्नको लागि अस्पताल भवन निर्माणका लागि ५० लाख रुपैंया बजेट विनियोजन गर्नुभएको थियो।
शिलान्यास समारोहमा मन्त्री सारुले पाल्पा अस्पतालको सेवा विस्तारका लागि सरकार प्रतिबद्ध रहेको बताउनुभयो। उहाँका अनुसार नयाँ भवन निर्माणपछि आकस्मिक तथा अपरेसन सेवा अझ प्रभावकारी र सहज हुनेछ। अस्पताल प्रशासनका अनुसार नयाँ संरचनाले सेवाग्राहीलाई गुणस्तरीय स्वास्थ्य सेवा उपलब्ध गराउन मद्दत गर्नेछ।
कार्यक्रममा विभिन्न सरकारी अधिकारी, स्वास्थ्यकर्मी, स्थानीय जनप्रतिनिधि तथा सर्वसाधारणको उपस्थिति रहेको थियो। उपस्थित वक्ताहरुले अस्पतालको सेवा विस्तारका लागि सरकारको पहललाई स्वागत गरेका थिए।
अस्पताल प्रशासनले भवन निर्माण कार्य यथाशीघ्र सम्पन्न गर्ने प्रतिबद्धता जनाएको छ।
About the Author
