माथागढी गाउँपालिका–४, झडेवामा आयोजित उक्त तालिम वडा अध्यक्ष शंकर दर्लामीले उद्घाटन गरेका थिए। सफल व्यवसायी अर्जुन क्षेत्री प्रशिक्षक रहेको कार्यक्रममा सूर्योदय वोमी लघुवित्तका अनुगमन अधिकृत जयकृष्ण जोशी र शाखा प्रमुख सुनिल ढेंगालगायतले मन्तव्य व्यक्त गरेका थिए।
शाखा प्रमुख ढेंगाका अनुसार तालिममा ५० भन्दा बढीको सहभागिता रहेको थियो। संस्थाबाट ऋण लिएका महिलाहरूलाई आत्मनिर्भर बनाउन तथा आयआर्जनका लागि प्रेरित गर्न तालिमको आयोजना गरिएको हो।
वडा अध्यक्ष दर्लामीले कर्जाको सही सदुपयोग गरी आर्थिक स्तर सुधार्न सहभागीहरूलाई आग्रह गरे। तालिम पश्चात सहभागीहरूले च्याउ खेती व्यवसाय थाल्न आत्मविश्वास बढेको बताउँदै कार्यक्रम प्रभावकारी रहेको प्रतिक्रिया दिएका छन्।